అనుమానంతో కెమెరాలు పెట్టాడు!
నా మీద అనుమానంతో నా భర్త నా ప్రతి కదలికనూ గమనిస్తారు. ఇప్పుడా పరిస్థితి పద్నాలుగేళ్ల నా కూతురుకీ వచ్చింది. నిత్యం తనని సూటిపోటి మాటలతో వేధిస్తున్నాడు. ఈ మధ్య ఇల్లంతా కెమెరాలు పెట్టించాడు.
అనుమానంతో కెమెరాలు పెట్టాడు!
నా మీద అనుమానంతో నా భర్త నా ప్రతి కదలికనూ గమనిస్తారు. ఇప్పుడా పరిస్థితి పద్నాలుగేళ్ల నా కూతురుకీ వచ్చింది. నిత్యం తనని సూటిపోటి మాటలతో వేధిస్తున్నాడు. ఈ మధ్య ఇల్లంతా కెమెరాలు పెట్టించాడు.
By Vasundhara Team Published : 23 Dec 2025 01:47 IST Ee Font size
A
A+
A++
2 min read
నా మీద అనుమానంతో నా భర్త నా ప్రతి కదలికనూ గమనిస్తారు. ఇప్పుడా పరిస్థితి పద్నాలుగేళ్ల నా కూతురుకీ వచ్చింది. నిత్యం తనని సూటిపోటి మాటలతో వేధిస్తున్నాడు. ఈ మధ్య ఇల్లంతా కెమెరాలు పెట్టించాడు. నరకంలా ఉంది. ఎదురు తిరిగితే రక్తం వచ్చేలా కొడతాడు. ఇన్నాళ్లూ పెళ్లికావలసిన పిల్ల ఉందని ఓపిక పట్టాను. ఇక ఉండలేను. బయటకు వెళ్తే నాకు, బిడ్డకి దక్కే హక్కులు, రక్షణ ఏంటి?
ఇన్నాళ్లు మీరు చూపిన సహనాన్ని అతడు మీ బలహీనతగా భావించి ఉండొచ్చు. మీ భర్తది మానసిక సమస్య. అలానే వదిలేస్తే ఏమైనా చేస్తారు. పరువు పేరుతో ప్రాణాలు తీసే రోజులివి. మీ అమ్మాయి భవిష్యత్తు కోసమైనా మీరు బయటకి రండి. అతడి మీద కేసులు వేయడం కంటే ముందు మిమ్మల్నీ, పాపని కాపాడుకోవడం ముఖ్యం. మీరు భరిస్తూ ఉంటే తను ఏమైనా చేసుకోవచ్చు. తల్లిని కొడుతోన్న తండ్రిని చూసి పెళ్లి మీద నమ్మకాన్ని పోగొట్టుకోవచ్చు. మీరు మీ భర్త మీద గృహహింస చట్టం కింద కేసు పెట్టొచ్చు. విడాకులు కావాలంటే క్రూరత్వాన్ని కారణంగా చూపించి హిందూ వివాహచట్టంలోని సెక్షన్ 13(1)కింద డివోర్స్ తీసుకోవచ్చు. మీరు ఇచ్చిన కట్నకానుకలూ వెనక్కి ఇవ్వమనీ అడగొచ్చు. మీ పాపకు, మీకు... నెలసరి పోషణ, భవిష్యత్తులో అమ్మాయి చదువుకీ, పెళ్లికీ అయ్యే ఖర్చు, ఇన్నాళ్లూ మీరు అనుభవించిన మానసిక, శారీరక హింసలకు ఒకే మొత్తంగా కూడా డబ్బుని కోరవచ్చు. అలానే గృహహింస చట్టం కింద మీకూ అమ్మాయికీ పోషణ ఖర్చు, మీకు రక్షణ, ఇంట్లో ఉండే హక్కులు, శాశ్వత పరిహారం అన్నీ కలిపి కూడా పొందవచ్చు.. ముందుగా పోలీస్ స్టేషన్లో ఫిర్యాదు చేయండి. వాళ్లు పిలిచి కౌన్సెలింగ్ చేస్తారు. మారక పోతే క్రిమినల్ కేసులు బుక్ చేస్తారు. తొందరగా నిర్ణయం తీసుకోండి.
