Vizag: విశాఖలో అదుపుతప్పిన నేవీ గ్లైడర్ .. మరో ప్రాంతంలో దిగడంతో కలకలం
- ABC MEDIUM
- ABC LARGE
- ABC EXTRA LARGE
విశాఖపట్నం: విశాఖలో ఒక నేవీ సెయిలర్ గ్లైడింగ్ చేస్తూ నిర్దేశిత ప్రాంతంలో కాకుండా మరో చోట దిగిపోవడం కలకలం రేపింది. విశాఖలోని సింధియా కోరమండల్ శివారు జిప్సం యార్డు వద్ద గ్లైడర్తో నేవీ సెయిలర్ దిగిపోయారు. గాలివాటం వల్ల లేదా సాంకేతిక లోపం కారణంగా ఇలా జరిగి ఉంటుందని నౌకాదళ అధికారులు భావిస్తున్నారు. సెయిలర్, గ్లైడర్ ను అదుపులోకి తీసుకుని శిక్షణ స్థావరానికి తరలించారు. తూర్పు నౌకాదళ ఎయిర్ స్టేషన్ ఐఎన్ఎస్ డేగా నుంచి నేవీ పారా చ్యూట్ గ్లైడర్తో ఈ సెయిలర్ పయనమయ్యాడు. గాజువాక డిపో సమీపంలో ఉన్న ఐఎన్ఎస్ ఏకశిల ఆవరణలో దిగాల్సిన గ్లైడర్ మరో ప్రాంతంలో దిగడంతో ఆందోళన నెలకొంది. ఎట్టకేలకు సురక్షితంగా భూమిపై దిగడంతో అంతా ఊపిరి పీల్చుకున్నారు.
► Read latest Andhra pradesh Newsand Telugu News► Follow us on Facebook, Twitter, Instagram& Google News. Tags :
