ప్రభుత్వ శాఖల్లో 10,060 పోస్టుల భర్తీ
- A
- A+
- A++
ఈనాడు, అమరావతి: వివిధ ప్రభుత్వ శాఖల్లో ఖాళీగా ఉన్న 10,060 పోస్టుల భర్తీకి రాష్ట్ర మంత్రివర్గం పచ్చజెండా ఊపింది. 2026-27 జాబ్‌ క్యాలెండర్‌లో భాగంగా వీటిని భర్తీ చేయనున్నారు. రాష్ట్రంలో రూ.2.08 లక్షల కోట్లతో చేపట్టే వివిధ ప్రాజెక్టులకు సంబంధించి రాష్ట్ర పెట్టుబడుల ప్రోత్సాహక మండలి (ఎస్‌ఐపీబీ) సమావేశంలో తీసుకున్న నిర్ణయాలకు ఆమోదం తెలిపింది. ముఖ్యమంత్రి చంద్రబాబు అధ్యక్షతన సచివాలయంలో జరిగిన మంత్రివర్గ సమావేశంలో పలు కీలక నిర్ణయాలు తీసుకున్నారు. రాజధాని ప్రాంతంలో ఇన్నర్‌ రింగ్‌రోడ్డు, రైల్వే లైన్ల నిమిత్తం మోతడక గ్రామంలో 2,344 ఎకరాల్ని భూసమీకరణ విధానంలో తీసుకునే ప్రతిపాదనకు ఆమోదముద్ర వేసింది.
2026-27 జాబ్‌ క్యాలెండర్‌ కింద వివిధ ప్రభుత్వశాఖల్లో ఖాళీగా ఉన్న 10,060 ఖాళీల భర్తీకి పచ్చజెండా ఊపింది. పట్టణ స్థానిక సంస్థల్లో హైబ్రిడ్‌ యాన్యుటీ మోడల్‌ (హ్యామ్‌) కింద రహదారులు, కాల్వలు, విద్యుత్తు, పార్కుల అభివృద్ధి పనులకు రూ.7,469.46 కోట్లకు పరిపాలన ఆమోదం తెలియజేసింది. హంద్రీ నీవా సుజల స్రవంతి (హెచ్‌ఎన్‌ఎస్‌ఎస్‌) ఫేజ్‌-2 పనులకు రూ.1,323.75 కోట్లకు పరిపాలన అనుమతి ఇచ్చింది. శ్రీసత్యసాయి జిల్లాలో మెయిన్‌ కెనాల్‌ సీసీ లైనింగ్‌ పనులకు (400.50 కి.మీ నుంచి 485.300/490 కి.మీ వరకు) రూ.750.07 కోట్లు.. అన్నమయ్య, తిరుపతి, చిత్తూరు జిల్లాల్లో మెయిన్‌ కెనాల్‌ పనులకు రూ.573.68 కోట్లు కేటాయించింది.
మంత్రివర్గ నిర్ణయాలు ఇవి..
- విశాఖపట్నం జిల్లా ఆనందపురం మండలం జగన్నాథపురం వద్ద 486 మెగావాట్ల సామర్థ్యంతో హైపర్‌ స్కేల్‌ డేటా సెంటర్‌ ఏర్పాటు నిమిత్తం డేటా సెంటర్‌ హోల్డింగ్స్‌ ఇండియా సంస్థకు 200 ఎకరాల భూమి కేటాయింపు, టైలర్‌ మేడ్‌ ప్రోత్సాహకాలకు ఆమోదం
- తిరుపతిలో మునోత్‌ లిథియం బ్యాటరీ ప్రైవేట్‌ లిమిటెడ్‌ ఆధ్వర్యంలో రూ.500 కోట్ల పెట్టుబడితో ఏర్పాటు చేసే లిథియం అయాన్‌ సెల్ తయారీ ప్లాంట్‌ ఏర్పాటుకు ఆమోదం.
- ఏఐఎల్‌ డిక్సన్‌ టెక్నాలజీస్‌ ఆధ్వర్యంలో రూ.450 కోట్ల పెట్టుబడి, 7 వేల మందికి ఉపాధి లక్ష్యంగా.. వైఎస్సార్‌ ఈఎంసీ కొప్పర్తిలో ఎలక్ట్రానిక్‌ మాన్యుఫ్యాక్చరింగ్‌ యూనిట్‌ ఏర్పాటు
- రూ.85,200 కోట్ల పెట్టుబడి, 1,880 మందికి ఉద్యోగ కల్పన లక్ష్యంగా అనకాపల్లి జిల్లా మాకవరపాలెం వద్ద 1,000 మెగావాట్ల హైపర్‌స్కేల్‌ డేటా సెంటర్‌ ఏర్పాటు నిమిత్తం రెన్యూ ఏపీ గ్రీన్‌ డేటా సెంటర్‌ లిమిటెడ్‌కు 433.30 ఎకరాల భూమి కేటాయింపు, ప్రోత్సాహకాల మంజూరుకు ఆమోదం.
- రూ.31,387 కోట్ల పెట్టుబడి, 1,000 మందికి ఉపాధి కల్పన లక్ష్యంగా విశాఖపట్నం జిల్లా భీమునిపట్నం మండలం అమనం వద్ద 512 మెగావాట్ల సామర్థ్యంతో ఏఐ డేటాసెంటర్‌ ఏర్పాటు నిమిత్తం ఏఎం ఇంటెలిజెన్స్‌ ల్యాబ్స్‌కు ఆర్థిక, ఆర్థికేతర ప్రోత్సాహకాల మంజూరు.
- కర్నూలు జిల్లా ఓర్వకల్లు మండలం గుట్టపాడు వద్ద అగస్త్య గ్రీన్‌ ఎనర్జీ లిమిటెడ్‌ ఆధ్వర్యంలో 12 గిగావాట్ల ఇంటిగ్రేటెడ్‌ ఫెసిలిటీతో ఎస్‌ఐ ఇంగోట్‌ అండ్‌ వేఫర్‌ మాన్యుఫ్యాక్చరింగ్‌ ప్లాంట్‌ ఏర్పాటు. దీనికి ఎకరా రూ.10 లక్షల చొప్పున 143.26 ఎకరాల భూమి కేటాయింపు.
- విశాఖపట్నం పరవాడ పారిశ్రామికవాడ వద్ద అక్షత్‌ గ్రీన్‌టెక్‌ ప్రైవేట్‌ లిమిటెడ్‌ 3.6 గిగావాట్లతో టాప్‌ కాన్‌ సోలార్‌ సెల్, మాడ్యూల్‌ ఉత్పత్తి ప్లాంట్‌ ఏర్పాటుకు ఆమోదం
- చిత్తూరు జిల్లా కుప్పం మండలం ఏకర్లపల్లి వద్ద అల్యూమినియం ఎక్స్‌ట్రూజన్‌ ప్రాజెక్టు విస్తరణకు హిందాల్కో ఇండస్ట్రీస్‌కు 60 ఎకరాల కేటాయింపు
రాజధానిలో ఇన్నర్‌ రింగ్‌రోడ్డు, అమరావతి రైల్వేలైన్‌కు
- రాజధాని అమరావతిలో ఎర్రుబాలెం-నంబూరు నూతన బ్రాడ్‌గేజ్‌ రైల్వేలైన్‌ నిర్మాణం (ఇరువైపులా 50 మీటర్ల బఫర్‌తో మొత్తం 100 మీటర్లు), ఇన్నర్‌ రింగ్‌ రోడ్‌ నిర్మాణాల నిమిత్తం.. భూసమీకరణ విధానం కింద గుంటూరు జిల్లా తాడికొండ మండలం మోతడకలో 2344.12 ఎకరాలు తీసుకునేందుకు సీఆర్‌డీఏ కమిషనర్‌కు అధికారాలు కల్పిస్తూ మంత్రివర్గ తీర్మానం
- రెండో విడత భూసమీకరణ పథకంలో భాగంగా.. గుంటూరు జిల్లా వడ్డమాను, హరిశ్చంద్రపురం, పెదపరిమి గ్రామాల్లోని దేవాదాయ భూముల వివాదాల పరిష్కారానికి సంబంధించి దేవాదాయ శాఖకు రూ.159.45 కోట్ల పరిహారం చెల్లింపు.. రైత్వారీ పట్టాలు కలిగిన రైతులకు భూసమీకరణ ప్రయోజనాలు కల్పించే ప్రతిపాదనకు ఆమోదం.
గమనిక:ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
- మోగింది నగారా రాష్ట్రంలో స్థానిక సంస్థల ఎన్నికలకు నగారా మోగింది. 13 నగరపాలక సంస్థలు, 87 పురపాలక సంఘాల్లో ఎన్నికలకు బుధవారం నోటిఫికేషన్‌ విడుదలైంది. ఎన్నికల ప్రవర్తనా నియమావళి కూడా తక్షణమే అమల్లోకి వచ్చింది.
- ఆ 23 చోట్ల ఎన్నికలపై స్టే ఇవ్వలేం రాష్ట్రంలోని 23 నగరపాలక, పురపాలక సంస్థలు, నగర పంచాయతీల్లో సమీప గ్రామాలను చేరుస్తూ 2021లో వైకాపా ప్రభుత్వం చేసిన ఏపీ మున్సిపల్‌ లాస్‌ (ఎమెండ్‌మెంట్‌) యాక్ట్‌ 2021ను సవాల్‌ చేస్తూ దాఖలైన పిటిషన్లలో సుప్రీంకోర్టు రాష్ట్ర ప్రభుత్వానికి నోటీసులిచ్చింది.
- చర్చలు సఫలం.. కలిసే పోటీ ‘స్థానిక సంస్థల ఎన్నికల్లో తెలుగుదేశం, జనసేన మధ్య సీట్ల సర్దుబాటు చర్చలు సఫలమయ్యాయి. మా మధ్య ఎలాంటి పొరపొచ్చాలూ లేవు.
- కూటమి పక్షాల చర్చలు కొలిక్కి స్థానిక సంస్థల ఎన్నికల్లో కూటమి పక్షాల మధ్య సీట్ల సర్దుబాటు దాదాపు కొలిక్కి వచ్చింది. నాలుగు నగరపాలక సంస్థలు, 20 నుంచి 24 పురపాలక సంఘాలు, మూడు నుంచి నాలుగు నగర పంచాయతీల్లో జనసేన పోటీ చేసే అవకాశం ఉంది.
- జనసేనలోకి వంగవీటి రాధాకృష్ణ విజయవాడ మాజీ ఎమ్మెల్యే వంగవీటి రాధాకృష్ణ జనసేనలో చేరారు. ఇప్పటివరకు తెదేపాలో ఉన్న ఆయన మిత్రపక్షం గూటికి చేరారు.
- దరఖాస్తు చేసిన 24 గంటల్లోనే నో డ్యూస్, కుల ధ్రువపత్రాలు పరిపాలనాపరంగా ఇబ్బందులు ఉండకూడదనే ఉద్దేశంతో స్థానిక సంస్థలకు ఒకేసారి షెడ్యూల్‌ ఇచ్చి ఎన్నికలు నిర్వహిస్తున్నామని రాష్ట్ర ఎన్నికల కమిషనర్‌ అనిల్‌చంద్ర పునేఠా స్పష్టం చేశారు.
- 13 నగర పాలక సంస్థలు.. 87 పురపాలికల్లో ఎన్నికలు రాష్ట్రంలో 13 నగర పాలక సంస్థలు, 87 పురపాలక సంఘాల్లో... మొత్తం 3,942 వార్డులకు ఎన్నికలు నిర్వహించనున్నారు. మేయర్లు, ఛైర్‌పర్సన్లు, కార్పొరేటర్లు, వార్డు సభ్యుల భవితవ్యాన్ని పట్టణ స్థానిక సంస్థల్లోని 1.03 కోట్ల మంది ఓటర్లు నిర్ణయించనున్నారు.
- మహాచండీ దేవిని దర్శించుకున్న రాష్ట్రపతి విజయవాడ ఇంద్రకీలాద్రిపై జరుగుతున్న శరన్నవరాత్రి ఉత్సవాల్లో రాష్ట్రపతి ద్రౌపదీముర్ము బుధవారం పాల్గొన్నారు. మహాచండీదేవి రూపంలోని దుర్గమ్మను దర్శించుకున్నారు.
- జగన్‌ కేసుల్లో ఇక రోజువారీ విచారణ వైకాపా అధినేత జగన్‌ అక్రమాస్తుల వ్యవహారంలో సీబీఐ కోర్టులో కీలక పరిణామం చోటుచేసుకుంది. జగన్‌ అక్రమాస్తులకు సంబంధించి ఎన్‌ఫోర్స్‌మెంట్‌ డైరెక్టరేట్‌ (ఈడీ) నమోదు చేసిన కేసుల్లోనూ రోజువారీ విచారణ చేపట్టాలని సీబీఐ కోర్టు నిర్ణయించింది.
- మద్యం కుంభకోణం కేసులో ఈడీ విచారణకు రజత్‌భార్గవ వైకాపా ప్రభుత్వ హయాంలో జరిగిన రూ.వేల కోట్ల మద్యం కుంభకోణం కేసుకు సంబంధించి విశ్రాంత ఐఏఎస్‌ అధికారి రజత్‌ భార్గవ బుధవారం ఎన్‌ఫోర్స్‌మెంట్‌ డైరెక్టరేట్‌ (ఈడీ) విచారణకు హాజరయ్యారు.
- ప్రత్యేక నామినేషన్‌ కేంద్రం ఏర్పాటు పిటిషన్‌పై వాదనలు పూర్తి జడ్పీటీసీ, ఎంపీటీసీ, మున్సిపాలిటీల ఎన్నికల సందర్భంగా నామినేషన్లు దాఖలు చేసేందుకు సాధారణ నామినేషన్‌ కేంద్రాలకు అదనంగా ప్రతి జిల్లాలో జిల్లా ఎన్నికల అధికారి వద్ద ఓ ప్రత్యేక కేంద్రాన్ని ఏర్పాటు చేసేలా ఆదేశాలు జారీచేయాలంటూ వైకాపా రాష్ట్ర ప్రధాన కార్యదర్శి లేళ్ల అప్పిరెడ్డి వేసిన వ్యాజ్యంపై బుధవారం హైకోర్టులో వాదనలు ముగిశాయి.
- మహాచండీదేవిగా జగన్మాత దుర్గమ్మ దసరా శరన్నవరాత్రి వేడుకల్లో భాగంగా నాలుగో రోజు బుధవారం విజయవాడ ఇంద్రకీలాద్రిపై జగన్మాత దుర్గమ్మ.. మహాచండీదేవి అలంకారంలో భక్తులకు దర్శనమిచ్చారు.
- కూష్మాండదుర్గగా శ్రీశైల భ్రామరి నంద్యాల జిల్లా శ్రీశైల మహాక్షేత్రంలో దేవీ శరన్నవరాత్రి ఉత్సవాలు అంగరంగ వైభవంగా జరుగుతున్నాయి. బుధవారం భ్రమరాంబాదేవి కూష్మాండదుర్గ అలంకారంలో భక్తులకు దర్శనమిచ్చారు.
- సీతా స్వయంవర అలంకారంలో శ్రీవారు తిరుమల శ్రీవారి నవరాత్రి బ్రహ్మోత్సవాల్లో భాగంగా మూడో రోజు బుధవారం రాత్రి ముత్యపుపందిరి వాహనంపై శ్రీదేవి, భూదేవి సమేత శ్రీమలయప్ప స్వామివారు దర్శనమిచ్చారు.
- న్యాయవాద వృత్తిలో నిరంతర అధ్యయనం అవసరం కోర్టులో జరిగే విచారణలను సూక్ష్మ దృష్టితో పరిశీలిస్తుండాలని యువ న్యాయవాదులకు హైకోర్టు న్యాయమూర్తులు సూచించారు. కోర్టులో ఎలా వ్యవహరించాలి, వాదనలు ఎలా చెప్పాలనే విషయాన్ని సీనియర్ల నుంచి నేర్చుకోవాలన్నారు.
- ఓఎంసీ కేసులో విశ్రాంత ఐఏఎస్‌ శ్రీలక్ష్మిపై అభియోగాల నమోదు ఓబుళాపురం మైనింగ్‌ (ఓఎంసీ) కేసులో 6వ నిందితురాలైన విశ్రాంత ఐఏఎస్‌ అధికారి, నాటి పరిశ్రమల శాఖ కార్యదర్శి వై.శ్రీలక్ష్మిపై సీబీఐ కోర్టు బుధవారం అభియోగాలను నమోదు చేసింది.
- ‘పోలవరం’ పనులను పరిశీలించిన విదేశీ నిపుణుల బృందం పోలవరం ప్రాజెక్టును విదేశీ నిపుణుల బృందం బుధవారం సందర్శించింది. ప్రాజెక్టును ఈ బృందం సందర్శించడం ఇది ఎనిమిదోసారి. బృంద సభ్యులు రిచర్డ్‌ డొన్నెల్లీ, డేవిడ్‌ పాల్, డి సిస్కో, హించ్‌బెర్గర్‌లతో తొలుత పోలవరం అధికారులు, అథారిటీ అధికారులు సమావేశమయ్యారు.
- పరిశ్రమల అవసరాలకు శిక్షణ.. ఉపాధికి చేయూత: మంత్రి లోకేశ్‌ రాష్ట్ర యువతకు ఉద్యోగావకాశాలు కల్పించేలా నైపుణ్యాలు పెంపొందించడమే తమ ప్రాధాన్యమని విద్య, ఐటీ శాఖల మంత్రి లోకేశ్‌ ఓ ప్రకటనలో తెలిపారు.
- ఎర్రబస్సు రాదన్నారు.. అదే విమానాశ్రయంలో దిగారు ఎర్రబస్సు రాని భోగాపురానికి ఎయిర్‌బస్‌ ఎలా వస్తుందని మాజీ ముఖ్యమంత్రి జగన్‌ గతంలో మాట్లాడారని అదే విమానాశ్రయానికి ప్రత్యేక విమానంలో వచ్చిన ఆయనకు స్వాగతం పలుకుతున్నామని విజయనగరం ఎంపీ కలిశెట్టి అప్పలనాయుడు పేర్కొన్నారు.
- జడ్పీ ఛైర్మన్‌ రేసులో పరిటాల శ్రీరామ్‌ శ్రీసత్యసాయి జిల్లా పరిషత్‌ ఛైర్మన్‌ కూటమి అభ్యర్థిగా పరిటాల శ్రీరామ్‌ పేరు తెరపైకి వచ్చింది. జడ్పీ ఛైర్మన్‌ స్థానం జనరల్‌కు కేటాయించడంతో ఆయనను బరిలో నిలపాలని తెదేపా అధిష్ఠానం భావిస్తున్నట్లు రాజకీయ వర్గాల్లో జోరుగా ప్రచారం జరుగుతోంది.
