అమ్మకి కావాలి రెండేళ్లు..!
దగ్గర వయసున్న అంటే... రెండేళ్లలోపు వయసు తేడా ఉన్న అక్కచెల్లెళ్లు, అన్నదమ్ములు ఒకే రకమైన అవుట్ఫిట్స్ ధరించి కనిపిస్తే... అరే చూడ్డానికి భలే ముద్దుగా ఉన్నారే అనుకుంటాం.
- A
- A+
- A++
దగ్గర వయసున్న అంటే... రెండేళ్లలోపు వయసు తేడా ఉన్న అక్కచెల్లెళ్లు, అన్నదమ్ములు ఒకే రకమైన అవుట్ఫిట్స్ ధరించి కనిపిస్తే... అరే చూడ్డానికి భలే ముద్దుగా ఉన్నారే అనుకుంటాం. అంతేనా ఒకరికొకరు తోడుంటారు, కలిసి పెరుగుతారు, ఇద్దరి చదువులు ఒకేసారి పూర్తైపోతాయి. అప్పుడు నీకు బోలెడు తీరిక దొరుకుతుంది. అంటూ ఇంట్లో పెద్దవాళ్ల సలహాలూ చాలానే వినిపిస్తాయి. దీన్నే ‘టూ అండర్ టూ’ పద్ధతిగా పిలుస్తున్నారు నిపుణులు. చూడ్డానికీ, వినడానికీ ఇది భాగానే ఉన్నప్పటికీ తల్లికి మాత్రం అంతమంచిది కాదంటున్నారు.
మొదటికాన్పు అయిన తరవాత మహిళలు శారీరకంగా, మానసికంగా కోలుకోవడానికి దాదాపు రెండేళ్లు సమయం పడుతుందట. అంతేకాదు, వాళ్ల కటి భాగం కోలుకోవడానికీ, హార్మోన్లు తిరిగి సాధారణ స్థితికి రావడానికీ, నిద్రవేళలు గాడిలో పడటానికీ కొంతమందికి రెండు నుంచి ఐదేళ్లు కూడా పడుతోందని చెబుతున్నాయి అధ్యయనాలు. అందుకే రెండేళ్లలోపు ఇద్దరు పిల్లలున్న అమ్మలు నిద్రలేమి, శారీరక శ్రమ పెరిగి తొందరగా అలసిపోతున్నారని చెబుతున్నారు. కొందరిలో కార్టిసాల్ ఉత్పత్తి ఎక్కువై ఒత్తిడి పెరుగుతుందట. బరువు పెరగడంతోపాటు రోగనిరోధక శక్తి తగ్గుతుంది.
ఇలా మొదటి శిశువు పుట్టిన పద్దెనిమిది నెలలలోపు మళ్లీ ప్రెగ్నెంట్ అయితే పుట్టబోయే బిడ్డ తక్కువ బరువుతో, నెలలు నిండకుండా పుట్టే అవకాశాలు ఉన్నాయని డబ్ల్యూహెచ్ఓ ఒక నివేదికలో వెల్లడించింది. అందుకే మొదటికాన్పు తరవాత రెండో బిడ్డను ప్లాన్ చేసుకుంటే కనీసం రెండేళ్ల వ్యవధి పాటించమంటోంది. అప్పుడే తల్లీ బిడ్డా ఆరోగ్యంగా ఉంటారని చెబుతున్నారు నిపుణులు.
► Read latest Women Newsand Telugu News► Follow us on Facebook, Twitter, Instagram& Google News. Tags :
