Nadeem Khan: అత్యాచారం కేసు.. ‘ధురంధర్’ నటుడు అరెస్ట్
- ABC MEDIUM
- ABC LARGE
- ABC EXTRA LARGE
ముంబయి: అత్యాచారం కేసులో ‘ధురంధర్’ నటుడు నదీమ్ ఖాన్ (Nadeem Khan) అరెస్టు అయ్యాడు. పనిమనిషి ఇచ్చిన ఫిర్యాదు మేరకు మాల్వానీ పోలీసులు ఆయన్ను అదుపులోకి తీసుకున్నారు. పోలీసులు తెలిపిన వివరాల ప్రకారం.. 41 ఏళ్ల ఓ మహిళ నమీద్ ఖాన్ ఇంట్లో 2015 నుంచి పనిచేస్తున్నారు. పెళ్లి చేసుకుంటానని అతడు నమ్మించాడు. వివాహం గురించి ఎన్నిసార్లు అడిగినా నదీమ్ నుంచి సానుకూల స్పందన రాకపోవడంతో ఆమె పోలీసులను ఆశ్రయించారు. నదీమ్ పలుమార్లు అత్యాచారం చేసినట్లు ఆమె ఫిర్యాదులో పేర్కొన్నారు. ఆ మహిళ ఆరోపణలు ధ్రువీకరించామని, ఈ మేరకు అరెస్టు చేశామని ఓ పోలీసు అధికారి మీడియాకు వెల్లడించారు.
క్యారెక్టర్ ఆర్టిస్ట్గా బాలీవుడ్లో గుర్తింపు తెచ్చుకున్న నదీమ్ కెరీర్ ‘ధురంధర్’తో మలుపు తిరిగింది. రణ్వీర్ సింగ్ హీరోగా తెరకెక్కిన ఈ మూవీ బాక్సాఫీసు వద్ద ఘన విజయం అందుకున్న సంగతి తెలిసిందే. దీంతో, అందులో నటించిన వారందరికీ మంచి పేరొచ్చింది. ఈ సినిమాలో.. అక్షయ్ ఖన్నా (రహమాన్ డకైత్) వంట మనిషిగా నటించారు నదీమ్. ఆయన కీలక పాత్ర పోషించిన ‘వధ్ 2’ ఫిబ్రవరి 6న విడుదలకు సిద్ధమవుతోంది. ‘మిమి’, ‘వధ్’ తదితర చిత్రాల్లో నటించారు.
► Read latest Movies Newsand Telugu News► Follow us on Facebook, Twitter, Instagram& Google News. Tags :Published : 26 Jan 2026 17:35 IST
